سمية الخشاب تكشف عن تعرضها لإصابة في “رامز جاب من الآخر”
كشفت الفنانة سمية الخشاب عن تعرضها لإصابة أثناء تصوير حلقتها في برنامج المقالب “رامز جاب من الآخر”، وانتقدت فكرة البرنامج.
وقالت سمية الخشاب في لقاء مع et بالعربي: “أنا مدمرة دراعي مش قادرة أحركه من مكانه والمفروض أبقى عامله جبيرة في رجلي وأبقى رابطة دراعي ودا بتقارير طبية من 3 دكاترة منهم واحد إنجليزي”.
وهاجمت سمية الخشاب البرنامج قائلة: ” الموضوع مينفعش برامج المقالب دي متاحة ومبررة لكن ليه ناس كتير تتعرض للأذى مفيش أي مبرر أن لمجرد أنه يطلع ويشتهر ويعمل مشاهدات على حساب صحة الناس، الصحة كنز ومفيش أغلى منها”.
وأكملت سمية الخشاب لترد على كل من يقول أن النجوم على معرفة بالمقلب: ” وأيا كان يتقال إنتي كنتي عارفة المقلب ومضيتي على ورقة إنك موافقة، هو في حد بيمضي على إنه يتكسر ويعرض حياته وصحته للخطر ويبقى عنده مشكلة بعد كده ميبقاش عارف يعالجها، الصحة إيه يساويها تتقدر بإيه ولا ملايين الدنيا”.
