بوابة “يوتوبيا” تنشر مجموعة قصصية بعنوان “وزارة الوفيات” للدكتورة راندا رزق.. القصة الأولى: وظيفة خالية “فأر تجارب”

ضمن مجموعة قصصية بعنوان “وزارة الوفيات” عام 1995م فازت بها الدكتورة راندا رزق في عام 2003 للكاتبات الشابات، حيث تنحو هذه المجموعة على نحو يدعو إلى الإعجاب والتثمين، في غربلة تفاصيل بالغة الخصوصية في الحياة اليومية وما يختلج العقل الجمعي والمصري وبخاصة الشباب ، بحيث تدخل في سياقات إنسانية- بلغة مقتصدة واضحة وجملة محكمة من دون استطراد أو ميل للتداعي، وقد فازت بجائزة القصة القصيرة لمسابقة الكاتب الشاب للعام 2003.

وتقدم لكم بوابة “أربيان يوتوبيا” من خلال 4 حلقات منفصلة، النصوص الكاملة لهذه المجموعة القصصية، ونقدم في هذه الحلقة القصة القصيرة الأولى بعنوان: وظيفة خالية “فأر تجارب”، وإليكم نص القصة:

وظيفة خالية (فار تجارب)

مجموعة كبيرة من الشباب يزدحمون أمام شقة فاخرة تبدو وكأنها مركز للتسويق ورائحة الكيماويات والتفاعلات الدوائية تغلب علي المكان إلا أنه لا يبدوا ماهية ذلك المكان .

الشباب يمسكون بأيديهم الجريدة التي بها إعلان عن وظيفة خالية والجميع متقدمون بملفات بها سيرتهم الذاتية والشهادات الحاصلون عليها وكل ما يدعم موقفهم للقبول في هذه اوظيفة .

شاب يتحدث مع شاب آخر متقدم للوظيف .

شاب1 : ايه رأيك في المميزات اللي كتبتها ؟!

شاب2 : طبعآ حيطلع كلام إعلانات والشغلة حتطلع مندوب مبيعات لمسحوق جديد شكله حيطلع      فنيك انت مش شامم الريحة اللي غلبه علي المكان .

شاب1 : ينظر ويقرأ الإعلان بدل علاج فشل كلوي بدل علاج التهاب كبدي بدل علاج ضغط بدل ..بدل .

شاب2 : بدلات يا تري كل البدلات ديه احنا حنشتغل إيه .زز اعتقد وزير لا لا .. رئيس وزاره أو …

شاب1 : يقطع الكلام .

شاب1 :.. ماتزودش في الكلام عشان ممكن تطلع هيئة سياسية ونروح في دهيه.

شاب2 : تكونش المكان ده .زز من اللي بالي بالك .

شاب1 : معتقدش وليه لا …

شاب2 : ماهي المنظمات ديه عارفه مدي الفقر والبطالة اللي احنا عايشين فيها .

شاب2 : يعني ممكن تكونSOS  مثلا هاها ..

شاب1 : ممكن تكون شبكة جاسوسية جديدة في إطار شرعي وبأسلوب جديد إعلان في الجريدة الرسمية .

شاب2 : علي رأيك مين جيخطر في باله “تمويه يعني”.

رجل يخرج من الغرفة الكبيرة الموجودة بالشقة يحمل بيده ورقة أو لستة اسماء المتقدمين .

الرجل : دلوقتي أنا حنده علي واحد بالأبجدي وأتمني أن كلكم يكون لكم حظ معانا .

أحمد اسماعيل …

أحمـد  : افندم .

الشاب الاول والثاني في حالة توتر وخاصة بعد أن دخل حوالي 35 شخص ولم يقبلوا .

الشاب1 : غريبة كلهم اترفضوا يلا يابني ملناش نصيب ما هو مش معقول إن احنا اللي ا

ماجبتناش ولادة دي علي الأقل اللي قبلنا نصهم معاهم لغات والنص التاني كمبيوتر

واحنا الحمدللـه بنعرف الألة الحاسبة ليس متعلمنها قريب .

الشاب2 : الأنيميا .

الشاب1 : يعني أيه واللي مش فاهم قاصدك .

الشاب2 : الأنيميا….

الشاب1 : هو ده عيب الشعب المصري في كل المصايب بيهرج .. طب انكسف علي طولك

وأنت كتخرج بقالك كام سنة وحته إعلان بقرشين جابك علي ملاوشك .

الشاب2 : طب والله العظيم … لأنيميا السبب كل واحد واحد خارج يكلم نفسه وأسأله فيه إيه

يقولي أصلي أنا عندي أنيميا واللجنة تقوله علشان كده متنفعش للوظيفة .

الشاب1 : وهم في شبكات التجسس أنا أعرف يبقوا عايزين واحد حلنجي دمه خفيف زي ما

بنشوف في جمعه الشوان ورأفت الهجان لكن ما بيطلبوش شهادة التأمين الصحي .

الشاب2 : بقولك إيه تجي نضرب شهادة في التأمين ونجبلهم .

الشاب1 : أنت تاني بتهرج فعلآ شر البلية ما يضحك .

يخرج الرجل مرة ثانية وينده علي الشاب رقم (1) يدخل .

يجد الشاب مختبر طبي يتحدث معه طبيب يبدوا علي مظهره العلمانية والجهبز ,

يطلب منه ان يعطيه ذراعه ليأخذ عينة دم ليحللها .

الطبيب : اديني ذراعك حأخذ عينة قبل ما أتعرف عليك .

الشاب1 : اتفضل …أي .

الطبيب : عرفلي نفسك في أقل من 30ثانية زمن ظهور نتيجة التحليل .

الشاب1 : أنا شاب اتخرجت سنة … مش فاكر من كترهم … عندي كتير برده .

اللي فاكره اني كنت الأول علي دفعتي بتقدير جيدجدآ وزي ما بيقولو مع مرتبة

الشرف.

المهم طلاما معكش وسطه وابن الدكتور في دفعتك يبقي كل ده صفر وابو جيد يبقس معيد .

الطبيب : كفاية الـ30 ثانية خلاص .

ألف مبروك أنت وقع عليك الأختيار .

الشاب1 : يتحدث بنبرات الفرح وعدم التصديق ويقطع في الكلام .

أول مره الحظ بيضرب بجد يادكتور … زينظر الشاب الي الطبيب .

الشاب1 : ممكن أسئل حضرتك لو مفيش حرج هي الوظيفة إيه بظبط .

الطبيب : تتغير ملامحه ونبرات صوته بإختصار أنا عايزك يابني تتفهم الموقف

هي الوظيفة مش صعبة وفيها بدلات كثير وحتأخد overtime وحوافز بالهبل

وبدالات .

انتقالات للمستشفيات وحضور مؤتمرات طبية ولقاءات تلفزيونية .

يقطع الشاب الحديث

الشاب : خلاص عرفت الوظيفة .

الطبيب : الحمدللـه سهلت عليا المهمة .

الشاب : طبعآ سكرتير لحضرتك .

الطبيب : يتلعثم في الحديث .

لا لا هي مش كدا بالظبط .

بس يابني كل اللي حصل إن أنا بصفتي عالم كبير عملت تجربة علي فئران التجارب

ونفسي أخذ جائزة نوبل والمشكلة المتوقفة عليها اني لازم اطبق تجربة الفئران علي

الانسان.

الشاب : يقطع حديثه .

قصدك تقولي أن الوظيفة الخالية فأر تجارب .

الطبيب : لا لا يا بني دي مهمه إنسانية حتساعدني بها علشان أوصل للعالمية .

الشاب : يخرج دون أن يتحدث معه .

الشاب2 : هابرده الأنيميا السبب .

الشاب1 : لا … فأر التجارب .

عمآ اكيد لو معندكش أنيميا حتبقي فأر تجارب .

اظللام